相信大家细个嘅时候都俾闹过
“衰仔/女，你就来连老豆姓咩都唔记得啦~”
广州人中意叫爸爸做“老豆”
“老豆，我唔够钱用啦~”
“老豆，今日来接我放学~”
“老豆，我老师话要见你喔~”
……
好多对广州了解唔深嘅人会认为
称呼爸爸为“老豆”係唔尊敬爸爸
因为听起身好似“老头”
你又知唔知点解广州人中意叫爸爸做“老豆”？
“老豆”应是“老窦”。这是引用了五代人窦禹钧教子有方，后来五子登科的故事，以表示对父亲极端尊崇。
翻阅旧《三字经》，里面有这么一段“窦燕山，有义方，教五子，名俱扬”。据说，窦燕山，姓窦名禹钧，燕山是他的出生地，官居右谏大夫。窦禹钧操守清廉，当仁不让。建义塾，请名儒以教贫士，尤其教子有方，五子（长仪、次俨、三侃、四诵、五僖）经他细心教养，皆出仕成名，号为窦氏“五龙”。明清以后，《三字经》这本儿童启蒙必读的教材问世，自此，书中的典故脍炙人口，广泛流传。
于是窦燕山成为世人景仰的“模范父亲”，人们往往把教子有方的“父亲”喻为“老窦”。
由于粤语方言嘅“豆”、“窦”同音
所以“老豆”就成为广州人对爸爸的尊称
对住老妈子，永远有无数个问题：
“妈，食得饭未啊？”
“妈，我件衫洗咗未啊？”
“妈，帮我摞条毛巾过来！”
“妈，我听日想去行街~”
“妈，做咩去蒲唔带我？”
“妈！……”
而对住老豆，通常只得一个问题：
“老豆，我妈呢？”
“你就来连老豆姓咩都唔记得啦！”
真係无闹错你嘅！
边个喺你细个嘅时候成日俾你当牛骑？
边个当你俾人虾嘅时候第一个帮你出头？
边个喺你俾阿妈打嘅时候帮你挡？
边个教你踩单车一直喺后边帮你扶住？
边个帮你喺59分嘅试卷上边签名？
边个喺你出夜街嘅时候专登落楼等你？
边个无论你想食咩都买俾你食？
边个帮你瞒住你阿妈有男仔追你？
边个喺你带女仔翻屋企嘅时候俾足面你？
边个成日问你够唔够钱使？
边个陪你踢波、打波？
边个男人老狗都俾你搽指甲油？
虽然同老豆一齐嘅时候
好有可能係咁样嘅——
老豆可能无阿妈照顾得你咁好
你慢慢长大，佢慢慢变老
可能会变得唔理解你
但佢依然係世界上最爱你嘅人
默默为你付出咗全部！
6月18日
又到咗一年一度嘅父亲节
你哋今晚喺点样同老豆过嘅？
无论有冇准备礼物
都一定要记住同老豆讲翻句：
父亲节快乐！
热门跟贴