转眼间，2017年就快过完

一齐嚟睇下

香港名风水师苏民峰一take过讲解

2018年狗年运程啦！

点击边框调出视频工具条

鼠

属鼠嘅朋友今年运势属于中游生肖

运势唔係太好亦唔係太差

运气排第五、桃花排第六

有吉星相照，能够逢凶化吉

虽然有凶星容易受损伤

但係属鼠嘅朋友今年唔係损伤年

唔会有太大影响

一年落嚟都会过得比较平稳

牛

属牛嘅朋友今年要特别留意

因为牛龙羊狗今年四个生肖运势都麻麻

所以是非特别多 ，肠胃会特别差

男人容易前列腺出现问题

女人容易子宫膀胱出现问题

忌生冷食物

尤其係农历三、六、九、十二月容易出现健康问题

虽然无凶星，但係太岁相迎

适中唔係太顺利

虎

属虎嘅朋友今年特别要留意

虽然暗中有贵人相助

但係虎係今年十二生肖中凶星最多嘅生肖

凶星会带来突如其来嘅官非、人事不和

会被小人督背脊、讲是非

不过亦有吉星相照

整体运势处于中游

桃花运排名第五，感情运无问题

而喺事业上

切记步步为营，唔可以大力进攻

兔

属兔嘅朋友今年太岁相合，运势唔错

稳定、人缘好、做嘢比较顺利

计划亦容易按照所想进行

有贵人相助、逢凶化吉

桃花运同财运排名第三

有雾水桃花

单身嘅朋友容易同已经相识嘅人走埋一起

龙

属龙嘅朋友今年冲太岁

总观运势唔係太好

容易感情变化、住屋变化、事业变化

单身嘅龙男龙女有机会迎来新感情

恋爱中会迎来结婚或分手

结左婚则容易有BB

因为2018年係比较混乱嘅年

事业变化要特别留意

如果唔搬屋唔买楼

记得要主动用钱，防破财

蛇

属蛇嘅朋友今年运势排名第一

因为有红鸾桃花，有百利而无一害

即使结咗婚一把年纪都能获得良好的人缘

亦有贵人星辅助

事业会更加顺心，做生意机会好大

注意今年容易失物

会唔见银包、锁匙或者私人物件

马

属马嘅朋友狗年太岁相合

无论感情、人缘、财运都排名第四

只有三粒吉星，无凶星

运势整体处于中上

亦容易有贵人辅助、逢凶化吉

今年投资都容易赚到钱落袋

羊

属羊嘅朋友狗年太岁相迎

感情运、事业运、财运都排名第九

今年不要轻举妄动，易守不易攻

买股票投资一样，要稳阵保守

今年肠胃都比较差

农历三、六、九、十二月特别留意

容易便秘，避免食煎炸燥热食物

有凶星卷舌星，容易同人吵交

凡事要忍耐

猴

属猴嘅朋友经过2016、2017两年犯太岁后

2018无咩问题

有外出变化嘅迹象，千里可走

无论搬屋、旅行、出外探亲都无问题

所有走动都比较容易发生

运势唔会特别好，唔会特别衰

运气排第六，感情排第七

鸡

属鸡嘅朋友2017犯太岁会犯到2018五月六

2018年亦会受2017负面情绪影响

新一年嘅农历二月係容易出交通事故

可以捐血、洗牙化解

当过咗五月六后，受犯太岁嘅影响将全部瓦解

人会慢慢开朗，会地位提高

财运排第八、桃花排第八

点都好过2017年

狗

属狗嘅朋友今年犯太岁，要特别留意

其实犯太岁同运气无直接关系

而係会容易决策错误，容易产生悲观负面情绪

所以喺投资方面唔好太感情用事

建议稳稳阵阵投资

而今年犯太岁嘅话

容易受金属损伤、亦容易喺交通上出现事故

农历三月、九月可以去洗牙化解

今年属狗嘅朋友容易受胃肠疾病影响

注意身体、注意情绪

猪

属猪嘅朋友今年运势排十二生肖中第二位

天玺桃花，感情运唔错

交际应酬人缘运好，对事业有好大帮助

但係今年容易觉得孤独

可以多约朋友去街化解

亦容易因为朋友而破产

建议唔好为朋友做担保，容易惹是非上身