“四眼仔”形象歌手一直是吴业坤（坤坤）的标记，不过他近来TVB新剧《荷里活有个大老千》中抛弃“四眼Look”，除去眼镜之馀，还要在戏中着住孖烟囱加“飞钉”背心，麻甩示人。

他笑言：“要梳埋All back头，自己睇见冇戴眼镜都唔系好惯，眼镜戴咗好多年，冇咗好似离开comfort zone咁，周身好唔聚财，好唔好睇见仁见智啦！”

除了形象突破，@吳業坤 在戏路上亦有新冲击，今次扮演奸角“麦基”，有发挥机会，他说：“之前嘅角色都近似自己，今次就系第二个人，所以都几大突破。细个以为做戏好简单，但做过先知，亦有试过唔知自己做咩，因为冇读过训练班，多年嚟都系靠实战摸索。”

在唱歌方面，坤坤已有不少代表作，他希望演戏能获得认同。坤坤过往拍过不少剧，但却鲜有感情戏，今次亦是昙花一现，他自嘲：“可能我唔够吸引，说服唔到人，唔适合谈情说爱。”

他指若将来有机会拍谈情戏，希望能与“女神”@田蕊妮 上演“姊弟恋”，他笑说：“阿田外表、演技都好好，自己亦锺意喺精神层面上成熟过我嘅女仔。”