艺人胡蓓蔚晚上现身电视城为节目《流行经典50年》录影。有指黄心颖因偷食事件被消失，今晚未能现身与胡蓓蔚合唱，胡蓓蔚受访时说：“其实公司不嬲都想搵好多艺人Crossover，又因歌曲版权问题，一直都未落实今晚出席嘅名单，系上星期先通知我要独唱两首歌。”

谈到与心颖友情、胡蓓蔚说：“咁梗系认识啦，不过唔想再评论件事。（作为人妻、你对老公单立文好有信心？）咁要讲番廿几年前，当时我连广东话都未识讲，我老公被邀来帮我出唱片，写咗一首歌叫《满天飞》畀我，当时我真系唔识欣赏，净系想快啲录完佢。直到要上呢个节目，有工作人员醒起呢一只歌，要求我重新演绎，练歌时我终于意会到老公当时写嘅意景，佢话当时已经有少少锺意我，所以作歌嘅时候脑海盘旋住我嘅样貌！”

谈到老公外形不羁，胡蓓蔚说：“所以人不可貌相啰，佢日日喺度《爱回家》。（佢点追你？）佢唔发动攻势，系我主动问佢‘我成日搵你练歌，你觉得好烦？’佢即刻话唔会，我哋就慢慢行落去，可以话因为音乐而结缘。”