阿妈的口头禅

我地由细听到大

讲咗廿几三十年佢都唔厌

哩D经典语句

个个广东啊妈都会讲

PART 01 降温篇

温度系18℃以下

畀啊妈见到你露出膝头哥

咁你，就等住迎接暴风洗礼啦

你唔冻噶！？

我睇见你都觉得冻啊

好心就着翻条长裤啦

第日老咗你就知味道

你试下唔换翻条裤

分分钟屋企门口你都出唔到啊

PART 02 起床篇

当你周末谂住瞓到自然醒

已经提早同啊妈单声早茶唔使预你都好

（我真系觉得你谂多咗）

（同啊妈一齐住仲想瞓到自然醒？）

啊妈依然会准时推开你房门

真系唔去饮早茶？

想食D咩啊？

要打包畀你呢？

今晚食咩餸啊？

当你回答完啊妈一连串问题

继续瞓个天昏地暗

去完市场嘅啊妈又会再一次推开你房门

仲瞓紧啊？

成12点仲唔起身

叫咗你晚上唔好挨夜玩手机

晚上唔愿瞓

早上又唔愿起身

你瞓到懵成成咁望下手机

啊妈讲嘅12点，只不过系11:05！！

妈，我话我冇挨夜玩手机你信唔信？

PART 03 执房篇

啊妈入房，除咗为咗要叫醒你

就系想你执房

得闲就自己执下间房啦

成个狗窦咁

都唔知你点瞓得安乐噶

当你踢极都唔郁果时

啊妈就会忍唔住出手帮你执房

事后，你发觉揾唔到你想要嘅嘢

走去问啊妈

老佛爷大人只会同你讲一句

我点会知道你D嘢摆系边

你自己D嘢都唔执好

奉劝大家

自己间房都系自己执啦

因为啊妈有时唔会知你果样嘢叫乜

执起放咗去边又未必记得

PART 04 做事篇

啊妈叫你去做D咩事

你冇即刻去做

就会有哩句话畀你听

生旧叉烧过过生你

啊妈好似又讲得啱噶

哩个年头叉烧系经贵过我噶

PART 05 争吵篇

做人仔囡嘅我地

就应该有种觉悟

永远都唔好谂住嗌赢自己个啊妈

当啊妈知道要嗌输就会来一招先发制人！

第二样嘢唔见你咁叻

驳嘴驳舌你就zui叻

如果场面有点hold不住

啊妈就会出动王牌！！！

我系你妈

你咩态度同我讲嘢啊！

哩招一出，我地输嗮啦

系系系，都系我地嘅错

啊妈什么都是对的

PART 06 食饭篇

有一种饿，叫你妈觉得你饿

“妈，我食饱啦”

咁快食饱，你先食咗几多嘢

饱就唔好食饭

食嗮D餸啦

饮埋啖汤，快D！

饮汤边度饱噶嗻

此时此刻，我想做条金鱼

PART 07 出街篇

“妈，我出街”

成日挂住出街

去边度？

同边个？

几时翻？

使唔使煮你饭啊？

下次就醒目

系啊妈出声之前讲清楚

唔畀啊妈有出声嘅机会

不过，啊妈想话你，好似唔需要机会......

PART 08 洗头篇

唔好畀啊妈知道你日日洗头

不然啊妈又要开启唐僧念经大法

都话唔好晚晚洗头咯

对身体唔好噶

好似啊妈就一直同我讲经常洗头唔好

但又冇同我讲点解唔好

会有咩后果.......

细个就觉得啊妈讲来讲去都系果几句好啰嗦好烦

大个知道啊妈嘅啰嗦都系爱的一部分

开始觉得听啊妈嘅啰嗦系一种幸福

不会再粗鲁地打断啊妈讲嘢

有人话，啊妈的口头禅系世界上zui动人的语言

啰嗦背后，是她zui无私的关怀

下次，听到啊妈嘅口头禅

就耐着性子听她说完吧