又准备过个肥年啦

喺时候买过年的送礼物品

系广州，特别系广州人

过年喔，梗系咩都要

讲究好意头

希望新的一年可以顺顺利利

所以！广州人新年送礼有禁忌

千万别踩雷！！

唔系我惊你畀人掟出门口啊

梨=“离”，唔送得！

因为“梨”与“离”同音

寓意着分离

所以，送礼千其唔好送梨

瓜=“死”，唔送得！

系粤语里面“瓜”有死去的意思

平时经常讲的“瓜老衬”就系话人离世咁解

所以，送礼就唔好送“瓜”啦

西瓜、哈密瓜、雪梨瓜，乜瓜都唔得！

橙=“惨”，唔送得！

橙，粤语的谐音系“惨”

如果你送橙

咪等于送箱“惨”畀人地？

所以，过年唔好送橙畀人啦

广州人过年送礼，一般会送桔（吉）、柑（甘）

钟=“终”，唔送得！

系粤语入边“送钟（终）”意思就系呢个人死咗

所以谐音嘅“送钟“非常之唔老泥

无论过年定系平时送礼千其唔好送钟

伞=“散”，唔送得！

因为“伞”同“散”读音系一样

好容易畀人联想到失去、离散

如果你送一个人伞

会被认为是不满意对方

想要跟对方离散

所以不能送！！

鞋=“唉”，唔送得！

平时叹下气都被人话“唉唉声唔好听！”

而“鞋”同“唉”近音，都唔系好老泥

亦有人会觉得送鞋有送邪气

同送人走的意思

所以唔得！！

财神，唔送得！

如果想送做生意的朋友一尊财神像

祝对方可以揾到盆满钵满

劝你不要有这样的想法

所有神灵要自己去庙里请先会灵！

你咁样会神灵唔高兴噶

加上你送对方财神

就系把自己财神送走

对大家都唔好

所以，唔好送比畀人啦

裤=“富”，唔送得！

粤语里面，“裤”和“富”系同音

送“裤”比人

就意味将自己的财富送畀人地

不太好，所以都系唔好送啦

送礼不能送单数！

俗话说，好事成“双”

所以广州人送礼一般都系双数（除了“4”）

讲究“成双成对”

觉得单数不吉利

“4”都唔到

因为“4”同“死”一样发音

广州人会觉得唔吉利

过年送礼，少不了讲D祝福贺词

但有D字眼

春节期间系唔讲得噶

讲错的话，小心阿妈同你“开年”

食=“蚀”，唔讲得！

“蚀”系粤语里面系亏损的意思

做生意的最避忌

“食”同“蚀”为谐音

所以，“食饭”要改成“嗌饭”

同样谐音的“舌”都要改

“猪舌”我地会叫成“猪脷”

熊猫脷↑

空=“凶”，唔讲得！

系粤语入边，“空”和“凶”同音

凶字系唔吉利，一般都唔会用

所以粤语中直接将“空”改为“吉”

“空屋”叫“吉屋”，“空手而归”叫“得个吉”

干=“无钱”，唔讲得！

“干”=没钱

广州人都希望家肥屋润

所以“干”就相当于没钱

于是广州人就把“干”字改了

“猪肝”改成“猪膶”，“干杯”改成“饮胜”

母=“冇”，唔讲得！

系粤语入边，“母”同“冇”（无）读音系一样的

一听到个冇、无、母都觉得好唔“老泥”

所以一般唔讲

过年或者平时去拜访朋友的时候“伯母”要称为“伯有”

丝=“输”，唔讲得！

广州人过年最中意打麻将

所以“输”哩个字简直就系禁忌

所以连近音的“丝”都唔讲得

“丝瓜”要叫“胜瓜”

“书”都唔讲得

黄历嗻系“通书”，我地就会叫成“通胜”

杆=“降”，唔讲得！

系粤语入边“杆”同“降”读音一样

“降”就喺减少，唔吉利

所以“杆”就改成“升”

广州出名的“竹升面”就系咁嚟的

“血”，唔讲得！

“血”容易令人联想到血光之灾

都系唔吉利噶

所以粤语里面一般都唔讲“血”字

“流血”我地一般讲“见红”

“猪血”就叫成“猪红”

“苦”，唔讲得！

“苦”有辛苦、艰苦的含义

所以广州人在过年的喜庆节日一般唔会讲

而且平时食的“苦瓜”都改为“胜瓜”

其实广州人过年咁讲究

无非都系想过得开心D嗻~

边有人唔中意听吉利说话

当然啦，新新人类，都唔信哩味嘢，百无禁忌

但系传统节日

都系要尊重一下习俗好D噶~

反正见到人就讲翻句

“新年快乐”

“身体健康”

“财源广进”
“猪笼入水”

就肯定冇出错

出去拜年，可能你把口甜D

封利就唔止5蚊呢！

爆文|

热门|