艺人倪晨曦（Elva）即将“卸货”，但仍未停工安胎嘅佢，早前搵嚟前港姐冠军陈凯琳拍片整嘢食，讲育儿心得。陈凯琳讲起老公郑嘉颖即甜丝丝，指对方知道自己有咗仲开心过自己，更喺孕期对佢呵护备至，非常体贴。

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

她说：“佢一个好传统嘅Family Man，佢觉得人生最幸福就系有一个家庭，所以我哋结婚之后好快计划有小朋友。有一次佢问我听日有咩做，我话冇，佢话咁你听日留喺屋企就得，Book咗个按摩师上嚟同你按摩，我话唔好啦，上门咁贵，佢话已经约好啦。”

此外，佢话喺囝囝面前，佢做坏人，而郑嘉颖则做好人：“佢真系做唔到衰人，惟有我做。小朋友锺意摸嘢，摸完又会摆只手入口，我会话No No No，爸爸就会怂恿佢，唔紧要阵间先抹，我会话No，冇阵间啦。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

但讲到现时家庭定事业行先，陈凯琳坦言现时已经冇之前嘅事业斗心：“生完第一个都仲好有热心去出嚟拼，拍戏去做嘢，生完第二个就冇可能，因为好忙，唔想为自己做嘢私心而忽略佢哋，有时出嚟半日影嘢，个心已好啰啰挛，所以唔可以拍剧。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

最后讲到陈凯琳佗细仔时，保密做到足，佗到六个月先公布，佢解释：“一公开咗，啲人会开始观察我平时做啲咩，有冇曳，食啲唔应该食嘅嘢，我系不停食啲唔应该食嘅嘢，所以觉得愈拖得迟公布会好啲。佗BB个时会愈佗愈热，有时会想饮珍珠奶茶，但可能会畀人影到。”