【今日推荐视频】

“姚子羚情敌”被爆搭上人夫

被抢老公后沦为小三

▼

20岁内地网红直播崩坏

吓坏网友：似40岁大妈

▼

靓仔靓女到贺　陈曼娜生日P不停送抱

艺人陈曼娜上月不慎从高处堕下，跌伤后脑，留院14日先可以出院。经过长时间休息后，已冇大碍嘅陈曼娜，邀得艺人周家蔚、文颂娴、许家杰同一班好朋友，提早庆祝69岁生日。

今日陈曼娜喺社交网上载多张靓相，见佢精神唔错，身为主人家嘅佢，更满场飞招呼宾客，更孖住周家蔚、文颂娴及许家杰齐齐唱生日歌同切蛋糕，陈曼娜留言：“今年第一个生日会，谢谢美施姐悉心的安排！一众资深的传媒老友及昔日的好同事靓仔靓女齐到贺，大家送上创意兼心意的生日蛋糕！超有心！”

何广沛被飞出《白色强人II》劲Sad　网民喊晒口

无綫剧《白色强人》开拍第二集，但主角兼视后李佳芯（Ali）就被飞出冇得演续集，不过唔只佢，仲有港姐冠军冯盈盈及何广沛呢一对都冇得留低！

《白色强人II》前日（29日）举行记者会，仲嚟个大晒冷，3位视帝陈豪、马国明、郭晋安及2位视后胡定欣、唐诗咏都有出席，点知另一边厢，何广沛就上载2019年拍摄《白色》嘅照片，留言：“今日很多人挂住德仔！”仲加埋个流泪Emoji，字里行间都流露不快心情，网民都洗版留言：“点解《白色强人2》冇咗你同FYY（冯盈盈）嘅？”、“本身冇咗Ali但见仲有德仔就谂住睇啦，依家连德仔都…”、“德仔跟书婷一定是去了度蜜月”，个个都喊晒口咁仲话好嬲，连江嘉敏都问：“冇咩？”

虽然呢套剧冇咗何广沛，但佢喺新剧《异搜店》及《食脑丧B》都担任男主角，而佢都覆网民：“仲有信仔同丧B仔畀你拣！”

疫情下照出发！袁咏仪张智霖撇甩仔仔访普陀山

艺人袁咏仪（靓靓）同老公张智霖（Chilam）年年都会去杭州普陀山祈福，虽然今年遇上疫情，但两人未有取消计划，撇低仔仔魔童继续行程！

靓靓喺社交网上载照片，留言：“今年的普陀山之旅，不容易，但圆满了”不过今次就见唔到去年一同参与嘅蔡一智夫妇及周汶锜，而一行人都未有戴上口罩！

同霆锋感情有变？王菲孖嫩男出双入对

王菲与谢霆锋2014年复合后，感情一日千里。惟近日王菲多次被拍到与一名叫Ryan的男子出双入对，刚巧她与霆锋又少有互动，随即引起外界不少揣测。

天后王菲与谢霆锋复合后感情相当稳定，惟近日网上流出一组王菲头戴帽子、身穿大衣，与一名工作人员现身机场的相片，结果有网民“揭开真相”再上载一张“完整图”，并留言表示：“果然还是有Ryan”。从完整图中所见，同行确实多了一名平头装的年轻男子。

消息曝光后，网友翻查资料，发现所提及的Ryan不时陪伴王菲左右，更多次同框亮相，包括王菲9月时进行网上唱歌直播，见Ryan陪伴在侧；而10月初王菲参加北京草莓音乐节时兴奋过度遗失手机，Ryan亦有在旁；另外还有1次两人被拍得现身KTV房唱歌的相片。加上王菲与男友谢霆锋近期鲜有互动，立即引起不少揣测。

谢嘉怡Vs黄嘉雯　两届港姐冠军原来系好姊妹？

应届港姐冠军谢嘉怡，性格可爱赢尽各方赞赏，即使早前佢传出黑历史又疑似爆粗，不过依家都系香港人至爱，唔少人喺网上帮口护航，加上佢当选后频频出活动又上电视，好自然畀人拎佢同上届港姐冠军黄嘉雯作比较。

寻日系Happy Friday，估唔到两位冠军都几有雅兴，约埋齐齐到尖沙咀海旁一间餐厅食晏仔，当中就见到两位都以得体白色dress code上阵，黄嘉雯就扮到靓靓出席，而谢嘉怡就贯彻佢贴地作风，似乎又系素颜见人，不过佢精神劲好眼睛又Sharp醒，同黄嘉雯齐齐合照都冇输蚀，两个人望落感情仲好好，差不多要头贴头合照咁滞，So Sweet～

刘颖镟伍乐怡小恶魔引死人　邝洁楹茅招着小背心

圈中姐妹花真系有好多，最近就有新姐妹档出炉，由邝洁楹领军嘅无綫小花兵团寻日就预早贺Halloween，当中就有刘颖镟、伍乐怡同魏韵芝做胆，佢哋去到Fancy餐厅吃喝玩乐，虽然未见有仔埋身，不过佢哋4小花照化身小恶魔引死网友！

众女之中就数邝洁楹最性感，唔跟Dress Code全黑上阵嘅佢，以纯情紫色小背心示人，即使未有谷尽事业线，不过就以“茅招”抢镜。而魏韵芝亦都唔弱，佢都让出白滑单肩畀大家睇，相反刘颖镟同伍乐怡就最保守，齐齐以长袖西装褛见人，好在佢哋颜值在线，一样省镜。

庆生晒美腿！邓伊婷出卖阿妈呃Like

无綫“咪神”邓伊婷不时喺社交网大派福利，呢日佢又出招，仲搵埋妈咪拍住上！原来佢为同妈咪庆生，特别安排到酒店Staycation（宅度假），仲送上两大束鲜花，两母女着上浴袍坐喺床上，一齐骚出白滑美腿。相中见邓妈妈样子非常年轻，邓伊婷完全遗传咗妈妈优良基因！佢仲留言：“妈妈生日，跟妈妈去 #staycation，当然要趁机出卖她的美腿呃like，希望你今年生日过得开心难忘啦！Happy birthday！Love u”好多网民大讃佢哋人比花娇！

爆文|

热门|