朱千雪自爆入行8年无人追为一件事暂未想生B做妈妈

朱千雪自爆入行8年无人追　为一件事暂未想生B做妈妈

朱千雪、汤洛雯、岑杏贤、蒋家旻及张嘉儿这班好姊妹被合称「2Line党」，当中朱千雪在去年已正式入律师楼成为挂牌的执业大律师，可说已半退出娱圈，最近的演出只是为《踩过界II》献声说对白而已。

由林盛斌（Bob）及麦玲玲一同主持的邵氏製作新一辑节目《Master's Talk》（《师父有请》），首集邀请到「2Line党」当中的成员朱千雪、汤洛雯、岑杏贤及蒋家旻任嘉宾。

不过，她们表示从没承认「2Line党」的名字，更戏言已由二线跌落三线，汤洛雯说：「我哋私底下个群姐名叫『幸福公主』，除咗我哋仲有张嘉儿。」

▲ 岑杏贤、朱千雪、蒋家旻、汤洛雯亮相《师父有请》。

汤洛雯爆岑杏贤喜欢靓仔

岑杏贤说：「起初同老公第一次见面係完全冇兴趣，好唔锺意佢，唔明点解朋友会介绍畀我认识，佢外表唔係我想要嘅类型。我好肤浅，本身就谂住索性搵番娱乐圈嘅人就算，直至遇到我老公之后，简直係极品，感觉佢优点比我想像更加多，（最好係咩？）太多、劲多。」

汤洛雯笑岑杏贤是她们之中最追求靓仔的一个，她老公都是靓仔，不过不是娱乐圈圈中的靓仔。

至于朱千雪与青梅竹马的医生结婚，问到老公是否靓仔？千雪却呆了3秒才回应，令大家捧腹大笑。

朱千雪说：「我觉得靓仔咪得囉！（你係女神有距离？）我入行8年来冇被人追过。」身旁的汤洛雯忍不住踢爆千雪说：「我知点解，如果有人主动问佢攞电话，佢会答人：『你Send e-mail畀我啦！』咁。」

千雪解释：「因为唔係好锺意识好多人，呢个朋友圈舒服就围绕住，咁我同老公细细个就认识，感觉好安全，同埋唔需要用好多时间去认识大家，咁多年远距离恋爱我都好信佢，佢亦好信我。」

千雪补充：「唔係冷漠，只係心态上觉得无需要，就算未正式拍拖前，我个人本身性格就係咁，所以同我老公倾偈好舒服，唔使好深入了解，又唔惊佢呃我。」

汤洛雯大讚朱千雪是好女仔，如果遇到拍剧有性感或者接吻场口都会坚定地拒绝。其他姊妹听后都点头，更指千雪很理智绝不会戏假情真。

朱千雪说：「如果可以唔需要就最好唔好。有场戏安排我喺天台跌落去时，男主角要扯住我，扯烂件衫，见到露膊好性感咁。我唔係唔想性感，而係我又唔係瘦，做嚟都嘥气啦！我就将裡面件背心同外面件背心缝埋佢，扯极都係见到少少膊头，而且我又怕被人cap图，话我手臂肥。」

▲ 圈中姊妹团。（取自IG）

Bob对于千雪拒吻大为惊讶，千雪解释拍拖前拍剧有锡过，但拍拖后就尽量拒绝，她说：「可能我啲戏太差冇人会再搵我，如果我有腹肌同40吋腿可能唔同讲法。」汤洛雯笑千雪因而转行，做律师可以包实全身，戴埋口罩。

靓汤说：「我比较锺意搵个似我爹地嘅人，因为我阿爸係一个好乖、好锡屋企，我妈係凸，我爸係凹，我想搵类似...（马国明都係？）我係锺意讲嘢，佢都会出声，都会话：『你锺意啦』、『几好吖』、『无所谓啦』、『激死我』咁囉。（被催婚好大压力？）唔係好大压力，係问到有少少厌，有少少答到呆咗。」

汤洛雯无奈称：「次次都问，答咗唔係，我女仔嚟呀嘛，人哋都未求婚，咁我点答你啫？订婚一定会讲，大家唔使再问，一定公开，（又用公仔表达？）你唔好理啦，唔好亵渎我两隻公仔。」

麦玲玲表示如果女星在娱乐圈做到一线好红的话，就一定不会嫁得好，因为两粒星是相冲，除非结婚后急流勇退，而四女的命盘所计，蒋家旻是最适合在娱乐圈发展，将来婚姻要嫁得远，才能开花结果。

朱千雪否认退出，她说：「唔係，我想做，家庭同事业要平衝，以前係事业以外就自己煲剧，而家係事业以外，老公想煲咩剧就一齐煲，工作上无分别。」

岑杏贤称自己会先尊重老公的意愿，而汤洛雯称婚后会继续衝事业，但如果生育后就会希望自己全力照顾小朋友。」

提到生小朋友，千雪说：「我好惊生BB係因为我怕肥，我未生已经被传媒讲到我起码生咗3件咁，话我有咗5个月，传闻真到连我自己都犹豫！」