歌手谭嘉仪昨日（4日）现身新歌发布会兼生日会，《中年好声音》罗启豪和张彦博亦有到场支持。活动上，除了为谭嘉仪送上生日蛋糕，罗启豪和张彦博更即场唱生日歌预祝嘉仪生日快乐。

提到新歌MV中与MV男主角有不少肢体接触，谭嘉仪指今次主要想带出轻松拍拖的感觉，其实亲密镜头并不多，但希望能营造甜蜜氛围，又言今次新歌主要是想送给陪伴自己很久的粉丝。问到嘉仪拍完新歌MV会否想拍拖？嘉仪就表示顺其自然。

她又指身边追求者不多：「近期冇追求者，之前嘅追求者多数都系圈外人（会想拣圈外人或圈内人？）我自己冇乜所谓，最重要同我夹，同埋善良，希望佢系一个乖仔（朋友介绍？）冇，都系顺其自然，冇特别叫朋友介绍。」而生日愿望，她就表示想尽快开骚及出更多新歌。另外，提到好友谢东闵离巢，嘉仪表示自己也是透过对方的社交平台才得知，希望对方离开后会有更好的发展。

至于，罗启豪则指视嘉仪为目标，觉得对方好全能和多元化，既能唱歌又能演戏，表示想跟她合作：「因为佢同我一样都好锺意唱唔同语言嘅歌。」他又兴奋透露有眼镜公司提议与他合作推出一系列的太阳眼镜，令他觉得好荣幸，更特意到深圳看眼镜找设计灵感。他表示除了眼镜，自己对服装和手表设计都相当感兴趣，学生时期曾读过缝纫，有想过成为时装设计师。

今个月13日就会迎嚟35岁生日嘅谭嘉仪，之前表示去洛杉矶登台时顺便拍新歌MV，原来系自制生日礼物送畀自己，佢仲自爆搵咗个身高180cm以上嘅美籍男仔做MV主角，不过男主角未曝光，佢就先公开呢份「礼物」嘅单人靓相，靓人靓景令人羡慕。

见佢公开嘅MV造型中，一袭大露背小背心加热裤，白滑美肌不在话下，仲大晒索爆美腿，另一个look就以美国甜心feel登场，挨住古董靓车示人，未睇MV都感受到个American dream，令人期待。