刘江亲身上阵拍追杀戏：好彩跑开步 曾拒接《误判》跟冯皓扬演爷孙
刘江（刘老师）和冯皓扬（羊羊）在电影《误判》中初次合作，戏中饰演爷孙，但刘老师最初一度拒拍，因自觉近年跑步后变得更醒，同角色唔多似，但最后被甄子丹诚意打动。
戏中刘老师有场逃避追杀戏，要跟子丹在停车场丧跑，他笑言好彩有跑步习惯，完全难不到他，又讚早在拍电视时合作过的子丹很照顾他。
採访：杜杜 摄影：孔子 髮型:Jun@BHC 化妆:Chloe Yu
刘老师最初收到演“马伯”邀请时，一度不肯接拍，“我跑步后个look唔同咗，好听啲就係醒啲，呢个角色唔係好啱，电影同电视唔同，电视可以慢慢洗观众脑，但电影唔得，要一行出嚟就要係，演技再好，如果唔係好夹个角色，都係失败。”
电影公司跟他多次沟通不果，连他太太也忍不住开声，“佢话‘’你拍唔拍都同人讲声啦！’即係要我摊牌。”最终子丹一句“我哋想办法”，全力协调令刘老师安心演出。
子丹问刘老师意见
谈到跟羊羊合作，刘老师大讚“乖孙”表现，“对住新人就好似嚿麵粉，要帮佢捏吓，但佢埋位好成熟，好多嘢按部就班，我都唔使照顾佢，反而我要做好自己，唔係唔掂呀！哈哈！”
羊羊反指是“爷爷”令他更易投入感情演出，“有个刘老师咁好嘅对手喺度，好多嘢唔使去谂，静心望住佢就知想表达咩，唔使再去修饰，好自然就可以做到。”
刘老师笑着话，“搞错！你讲到我咁劲，我都冇觉得自己咁劲，你知唔知？其实刘老师係一个花名嚟咋！哈哈！”羊羊反驳，“我哋拍一cut机时，甄生（子丹）都走过嚟问老师意见㗎！哈哈！”
讲到跟子丹合作，离不开有动作场面，羊羊就大歎未有机会见识，而刘老师却有场跟子丹在停车场逃避追杀戏份，刘老师坦言未拍前完全不担心，“但拍嘅时候我都有啲担心，哈哈！因为真係自己跑，第1次拍后面架车就住我揸，梗係唔似，要再嚟过，我就真係跑到呢，好彩我有跑开步咋，哈哈！不过甄生都有睇住我。”
原来刘老师早在80年代已跟子丹合作过，“喺TVB拍过电视电影，家佢sharp咗，好有主见去handle每场戏，但佢一向都好照顾我。”
热门跟贴