李尚正与“香城一姐”张锦霞在贺岁电影《麻雀女王追男仔》擦出不少火花，日前二人接受HOY主播王凌燕专访，二人首次参演王晶及叶念琛的电影，阿正兴奋说：“有啲想同经理人提出减价，但被经理人否决，话你畀人知道你钟意佢，多过佢钟意你，咁就唔得嘞。（佢哋两位都好欣赏你，所以唔使减价。）佢哋经常咁样讲 ，未必，啱啱我有时间咋，否则都唔会揾得咁仓卒，然后我即时揾阿霞。”阿霞说：“我同导演讲唔使倾嘞，直接出通告啦！我一定会嚟嘅。”

李尚正个样已经好有喜感。

谈到二人首次合作，阿正说化学作用十足：“谂唔到霞姐咁有启发性，所有嘅对白、动作、造型、甚至系气场都系哗一声。”阿霞也说：“呢种化学作用就好比通渠水，种爆炸力，放入去好多泡。”二人于片中饰演一对，还透露有没有亲脸的戏，阿霞说拍摄过程很开心：“因为都见到正爷，佢学识丰富，才华横溢，会令你喺旁望一望都获益良多。”问阿正见到郭珮文是否也很开心，他就说：“开心嘅，因为佢系最强Body（身体），阅后报告我会觉得霞姐系技巧型。”

李尚正首度与“香城一姐”阿霞合作。

郭珮文戏中造型。

郭珮文真系最强body。（ig@julianakpm）

阿正去年凭《死尸死时四十四》角逐金像奖最佳男配角，他坦言之后多了机会：“人哋唔记得我个名字，但会记得我曾角逐最佳男配角，话揾佢啦！睇睇佢有冇空，真系有呢种情况。（是否赚多了呢？）我估要慢慢转化，先有知名度，然后多啲人揾，然后要成事，最后尾数再追公司，我估都花几年，慢慢嚟 ，系长远嘅投资。”

李尚正系HOY一哥。

阿霞话同阿正合作化学作用就好比通渠水，种爆炸力，放入去好多泡。