女明星样靓身材好

好多时会被人当“花樽”

最近“长脚蟹”吕慧仪

用实际行动话俾大家知

女明星都可以又索又有能力

▓▓▓▓▓▓▓▓▓▓▓░░░░努力加载中……

吕慧仪拥有迷人43寸大长腿

被冠上“长脚蟹”称号

参选香港小姐

获得“最上镜小姐”&季军后

进入TVB做演员

入行后佢参演多部电视剧

但因为角色比较奀

人气一直都不温不火

直到佢近年出演

《爱回家之开心速递》中

“熊家”二小姐“熊若水一角

开始被大家认识

“熊若水”係一个有少少任性

比较依赖屋企人

同时又好爱家嘅角色

观众缘都几么错

前段时间

吕慧仪现身香港科技大学晚宴

大家先突然醒起

“港科大”係佢嘅母校

当年读电子工程系嘅佢

物理&数学都係强项

英文水平亦好高

係个名副其实嘅“校花”高材生

吕慧仪喺2019年同前夫分开之后

就同仔仔一起生活

佢非常重视仔仔嘅教育

佢教小朋友嘅方式係劳逸结合

会俾时间小朋友玩

但会从细就教识佢

需要有时间观念

只要係佢唔使拍戏

有时间就会陪仔仔外出活动

或者带小朋友去睇show学嘢

小日子过得非常充实

吕慧仪甚至开班教学

将佢嘅教育理念

传递俾更加多人

最近吕慧仪宣布自己

完成咗牛津大学嘅课程

学历进一步升呢

吕慧仪话

自己开始进修课程都唔敢同人讲

只有利用空余的时间默默努力

一边拍剧、一边完成学业

最终成绩出炉

每科基本上都是80分以上

令佢觉得一切辛苦都值得

而最令佢觉得开心嘅係

自己成为咗仔仔嘅榜样

每日同自己小朋友一起读书

一起努力

身体力行咁陪伴佢成长

从吕慧仪事后放出嘅合集

可以见到佢喺屋企温书

喺餐厅做笔记

连出差往返路上

都不忘攞本书出嚟读下