倪乐琳卸任港姐对发展前景感迷惘爆冇钱俾家用愧对父母：悭啲使
倪乐琳（Ellyn）今日（9/9）现身沙田出席珠宝品牌活动。对于正式卸任，完成港姐使命，展开新一页，Ellyn接受《香港01》访问时表示：“其实而家有新一届港姐接班人马，变咗我而家係一个新人倪乐琳。之后嘅发展係向主持，又或者拍剧方面发展，变咗係要慢慢去摸索，係会有少少迷惘。”
被问到如何面对迷惘情况？Ellyn表示：“而家不断咁增值自己，去学唱歌跳舞，而最近又发现自己有懒音，都谂紧点去改善，变咗係要去装备自己。（有剧拍未？）最近为《飞常日志2》开工，但唔算重戏份，已经起码有对白讲，已经好开心。
（有剧拍个心係咪定啲？）个心係定咗好多，其实我哋几个都好迷惘，大家都话死啦，完咗香港小姐之后会点样呢？因为唔知会有咩工作。但好好彩公司俾咗呢个机会我。”
提到到拍完手头上剧集，将面临再一次迷惘。Ellyn续说：“我觉得喺呢一行嘅常态，我谂要趁啱啱入呢行去点样调整心态。（调整还调整，始终会有压力！）咁所以唯有悭啲使。始终工作唔稳定，咁所以唔好咁大使，咁咪可以训练我哋财富管理能力。
（俾唔到家用，面对父母有否感到内疚？）佢哋係好体谅，每一行刚入职都唔会好高人工。（冇内疚感！）咁係有少少内疚，但我相信2至3年之后会俾到佢哋。”
港姐冠军陈咏诗火辣照流出 反驳网上负评：就係想做一个现代女性
今届港姐冠军陈咏诗（Stacey）今日（9/9）现身沙田出席《2025香港小姐竞选》得奖佳丽领奖活动。对于早前火辣真空冧仔照流出，随即引起网上热议，有网民认为与港姐冠军应有的良好优雅形象有严重落差感到不满，但亦有网民大讚打破传统港姐框架形象尽显现代美。
Stacey接受《香港01》访问时表示：“其实我选完之后就冇再理会啲评论，反而入咗围嘅时候係好介意嘅人讲乜，我谂经过嗰个训练嘅阶段之后，变咗就唔再需要再理会。（而家攞咗奖就更加唔使理会！）哈哈，可以话係冇咁紧张。
（网民觉得太过火辣与港姐冠军应有的形象有落差？）我自己就觉得冇乜问题嘅，我哋想做香港小姐，就係想做一个现代嘅女性，现代女性都锺意阳光与海滩，咁所以我就唔觉得係一个问题。当然同以前30年前嘅係好唔同，我都明白係保守啲。”
被问到有否被公司照肺命令唔好Po性感照？Stacey笑言：“其实公司就咩都冇讲，同埋啲相係好耐之前Po嘅，係啲人揾返啲旧相出嚟嘅。”
冠军陈咏诗独得金鑽后冠及珠宝首饰，总值港币520万元，她笑言原想将价值488万港元的金鑽后冠放牀头，但担心被偷：“所以再谂下先，应该要摆保险箱。”
对于收家乡信贺摘后冠，她表示打算过2个月回乡，但未必带后冠返去：“我几年都会返去一次，上一次係2019年。”问是否觉得夺港姐冠军是光宗耀祖？她说：“都会觉得，新会都係我屋企，好开心可以令更多人认识新会呢个地方。”
刚卸任的倪乐琳为陈咏诗戴上后冠，她指见到四位师妹，也想到去年的自己，过去一年四人一起返工放工，想到这最不捨得。问可担心“卸任即失业”？
她表示：“初时有因为港姐使命已交棒给下一任，所以自己也要思考想要做甚麽，都有迷惘，但我很幸运，公司已安排我工作入剧组，很开心可以拍《飞常日志2》，今次演地勤，入行时梦想演空姐、ICAC及律师，想不到咁快实现。”
倪乐琳指已开工一日，与师姐刘颖镟有对手戏，早前参加了演技班，实际演出感觉又不同，问觉得辛苦？她笑言未，可能因初次演出仍觉得很激动，加上穿着制服觉得很开心。
热门跟贴