艺人宣萱事隔廿多年为电影再扮演“乌廷芳”角色，网民激赞她没有走样，好似吃了“防腐剂”一样冻龄。她则称是靠勤力延缓衰老，为了力保纯天然样貌，加上怕上瘾，不愿踏出微调第一步。
演员宣萱与朱鉴然在电影《寻秦记》中扮演两母子，但戏外却似两姊弟，保养得宜的宣萱难怪被网民赞像吃了“防腐剂”一样，多年没有走样。宣萱则称有赖科技指画面和相片现在可以执得好靓：“有啲嘢都冧紧，自己就尽量用自然方法拖慢老化，自己冇养生，大家都知我夜瞓，尽量勤力啲，早晚都会喺洗手间用个半钟护肤、敷面膜、眼膜，仲要刮面。”外间欣赏宣萱优雅地老去，她则觉得也只能接受，希望尽力保持纯天然：“听啲人讲只要做一次微调（微整形）就会上瘾，情愿唔好去行第一步，将来唔知会唔会，少少微调都可以接受，大执就一定唔会。”
宣萱与朱鉴然扮演两母子。
但视觉上更似两姊弟。
宣萱获赞冻龄。
与当年电视版几乎零变化。
她谦称靠科技画面“执靓”。
拒抗整形，靠自然方法保持年轻。
电影以当年剧集片段拉开序幕，令宣萱勾起很多回忆，她说：“拍剧嗰阵所谓嘅苦，当年内地环境好差，我病到瞓咗一个星期医院，但系一出院就见到张通告黐咗喺门口，听朝四点钟化妆，使唔使咁残忍，佢哋话已经拍到冇嘢拍。”而宣萱与古仔的互窒整蛊NG片更是网民最爱，她说：“以前试过拍咗两日通宵戏，我打个喊露，佢一只手指插入我个口度，现场啲人吓到死，佢对住我应该系最放肆，因为知我唔会嬲。有啲人有时听到佢咁同我讲嘢嘅，我又冇唔舒服嘅，我哋不嬲都系咁讲嘢，对住佢都冇乜底线，真系识得太耐、太熟。”
朱鉴然片中扮演古天乐的儿子，对手戏不少，他坦言拍摄时有压力：“老板嘛，但系其实最大压力都系自己畀自己，谂得太凝重，慢慢就放得轻啲。”至于，电影会否开续集，宣萱则认为要看票房：“当然唔好拍到佢烂，以往好多电视剧都系，收得就继续拍，好似《赌场风云》叫我拍第二辑，我话唔开喇，因为都冇嘢写，要见好就收，最靓就要停。但系《寻》就唔同，因为穿越可以好多嘢玩，可以乱嚟。”
宣萱坦言对住古天乐冇底线。
朱鉴然自言有压力。
拍摄过程中慢慢享受。
宣萱指拍续集视乎票房。
热门跟贴