前無綫資深藝人游飈於2026年2月24日離世，終年57歲。喪禮今日（21日）於紅磡世界殯儀館設靈，讓親友作最後道別。
打开网易新闻 查看精彩图片
游飈喪禮今日於紅磡世界殯儀館設靈。（葉志明攝）
顏仟汶低調到場神情哀傷
今晚（21/3）游飈生前好友顏仟汶現身靈堂悼念，她神情哀傷接受《香港01》訪問時說：「其實我都擔心游飈太太同個女，始終老闆走咗，都會諗會唔會影響到佢嘅工作。跟住黃文標自己嘅身體又出咗啲事，咁係擔心嘅，但我問過黃文標，佢都話有同阿嫂傾過嘅，而佢哋都有方案，咁我 OK咁你哋有方案，可以繼續行到嘅，就繼續行落去啦。」
打开网易新闻 查看精彩图片
顏仟汶到靈堂致哀。（葉志明攝）
關注黃文標健康 盼病情受控
顏仟汶現時最擔心黃文標身患初期柏金遜症，身體狀況未必應付得到工作：「我同佢上去深圳睇醫生，睇咗嗰個腦神經科，其實星期一佢都要上去照MRI（磁力共振掃描）。同埋佢呢個症係冇得逆轉，只能夠希望可以拖長啲，佢而家食緊藥，控制住個平衡，同埋等佢好瞓少少。」
打开网易新闻 查看精彩图片
顏仟汶關注黃文標健康，盼病情受控。（葉志明攝）
热门跟贴