广州街坊注意啦
今日早高峰出地铁口
雨水简直就像开咗闸噉狂落
撑住伞裤脚都湿埋半截
打工人直接被呢场暴雨杀个措手不及
今次嘅天气真系来势汹汹
大家千祈要留意
警惕短时大风、冰雹！
截至今朝8点58分
广州11区全部挂咗雷雨大风橙色预警
越秀、海珠、荔湾、天河
黄埔、白云、花都、番禺、增城
呢9个区，仲同步发布咗冰雹橙色预警
而家全市各区嘅雷雨大风
冰雹预警仲喺生效紧㗎
虽然今朝嘅强雷雨云团慢慢走咗
但系雷雨完全冇要停嘅意思
广东省气象台话，3月30号到31号
粤北同埋珠江三角洲中北部市县
陆续会有大雨，局部仲会落暴雨甚至大暴雨
仲会伴有8到10级嘅短时大风
冰雹呢啲强对流天气。到4月1号
全省嘅降水就会明显减弱
大部分地方落小雨，局部中雨
广东省气象台预计，3月30日—31日，粤北和珠江三角洲中北部市县先后有大雨局部暴雨或大暴雨，并伴有8～10级短时大风、冰雹等强对流天气。4月1日全省降水明显减弱，全省大部有小雨局部中雨。
广州市气象台预计，3月30日—31日受高空槽、切变线和冷空气影响，广州有一次中到大雨局部暴雨过程，并伴有雷雨大风（8～10级）、短时强降水（最大小时雨强20～50毫米）、局地小冰雹等强对流天气。4月1日降雨减弱，以阵雨为主。
同大家讲几句温馨提醒：
遇到雷雨天气
能迟啲出门就千祈唔好卡点冲！
已经喺外面嘅街坊，优先行去地铁站、
商场、办公楼呢啲安全嘅室内地方避一避。
屋企阳台有花盆、衣架、杂物嘅，
记得顺手收一收
唔好畀大风帮你“清仓”啊！仲有
手机要留意住最新嘅预警信息㗎！
好多人都唔知咩叫强对流天气
其实佢就系突发性强、破坏力好大嘅灾害性天气，局地性好明显，仲系季节性高发，影响范围一般係几公里到百公里。南方一般3-4月多发，北方就5-7月，虽然影响范围唔大，但系能量好集中，夏季午后热力条件旺盛嘅时候更加易出现，致灾风险都好高。雷暴、飑线、雷雨大风、冰雹、短时强降水、龙卷风，都属于强对流天气家族。
仲要同大家讲下暴雨避险嘅贴士，尤其係低洼积水路段嘅出行注意事项：
开车嘅街坊
一睇二探慢通过！睇：观察水面状况，水面起波浪，就说明水深超过20厘米，千祈唔好贸然涉水。探：如果水深超过轮胎一半，水好可能灌入发动机进气口，呢个时候就唔好开车涉水啦。慢通过：真系要涉水嘅话就慢行，用最低挡位匀速通过，全程车速最好唔好超每小时10公里，中途尽量唔好停车、唔好换挡、唔好急转弯。
万一部车驶入深水，要即刻开门落车，避免溺水！如果车熄咗火，千祈唔好再启动，防止发动机进水。如果车身被水完全淹没，就等水从车辆缝隙涌入，等车外同车内水位持平、内外压力对等之后，再打开车门。如果正常方法开唔到车门、车窗，就用安全锤垂直打侧面车窗嘅四角逃生。
骑电动车嘅街坊
喺立交桥附近要远离深水，避开其他车辆，唔好喺汽车之间穿行，拣地势高嘅地方慢慢行。唔好畀雨衣遮住视线、影响听力，要时刻留意路况。如果路况唔好，最好推住车步行啦！
今日早出门，你有无被淋成“落汤鸡”？
来源：广东天气
热门跟贴