今日快报

被网友起底　Angelababy细佬原来系学霸！

Angelababy（杨颖）有个细佢7年嘅弟弟杨帆，英文名叫Keven，今年已经22岁大个仔，近日佢就忽然被网友起底，仲发现佢原来系学霸，依家就读国内名校南京大学商学院，鬼鬼哋嘅佢仲畀人话外形似足泰国人，同Baby唔系太似样咁话。
而二人喺2012年合作嘅电影主题曲MV亦被翻啅，当时Keven就担任男主角，同Baby大玩「姐弟恋」。

恨拍古装剧！杨思琦为靓造型唔怕辛苦

艺人杨思琦现时于内地拍摄时装剧《田园时代》，不过思琦似乎很想拍古装剧，更以不同的影相Apps影出不同的古装扮相放上社交网，有些像真度甚高，以为她真的在拍摄古装，不过思琦表示：「其实我都好想拍吓古装剧，真系好耐冇拍过，对上一次拍已经系11年前，喺无线同郑嘉颖、黄宗泽合作拍嘅《强剑》，古装片好多造型都好靓，真系好渴望拍番套。」讲到天气炎热，拍古装很辛苦，不少演员都叫苦连天时，思琦又谓：「唔怕唔怕！有嘢做就最好，我唔怕辛苦，古装造型靓，拍出嚟效果好啲。」

立地成我！陈伟霆独步舞林玩尽中国风

英皇艺人陈伟霆（Williams）全新单曲《一笔江湖》MV今日在港推出，他挑战全新音乐风格，首次尝试「中国风」，伴随「我即江湖」的气魄。作为一首带着强烈中国风的舞曲， MV除以舞为中心外剧情亦见深度，以「立地成我」为概念。
而MV的视觉效果用琵琶、屏风、水鼓、灯台等元素勾出中国风的意境；CG特效是当中一大亮点，将巨龙、大佛、海洋、山巅、荒漠等场景带到眼前，伴随着MV情节，Williams或行走于沙漠之中、或坐拥江湖宝座，最终得以俯瞰这个风云激荡的舞林江湖。
《一笔江湖》作为《热血街舞团》节目的推广曲，Williams已经演绎过机械木偶舞、海草舞、暗黑舞，之前他也有提到希望为优秀的舞者提供机会，所以此次MV拍摄，他邀请了《热血街舞团》战队中优秀的舞团及舞者，当中怉括X-CREW、ti等，一同集体编创舞蹈。

恨拍拖叹冇人追　陈炜望放假去旅行

韩国导演郭在容昨晚带同电影《遇上世界上另一个你》在九龙区举行首映，吸引不少人出席，包括陈炜、黄锦燊、施祖男及颜子菲等，甚少睇首映的陈炜表示正拍摄剧集《多功能老婆》，一日一组戏不算太忙，因此有时间看电影：「我锺意睇韩国片，最深刻系《假如爱有天意》，睇煽情戏可以入戏院喊吓发泄吓，平时冇呢啲机会。」她表示是跟一班朋友到场，当中有男性朋友但并非追求者，并笑说：「依家冇人追，都冇人介绍。（放弃？）唔系！冇机会咋！依家开始要主动啲，还吓饭债，约吓朋友食饭，之前真系太忙，日日喺将军澳开工。（趁聚会叫朋友介绍？）睇佢哋识唔识做啦！（之后放假识男仔？）都想放假，但未必得，希望放到一个短短假期去旅行。」

转载授权微信：lama129

商务QQ：1900556960

香港娱乐八卦

尽在HKChannel