游嘉欣日前现身电视城出席《慈善星辉仁济夜》节目直播，对于被爆在拍摄无线（TVB）综艺节目《寻欢作乐的姐姐》期间因频频NG，惹怒了吴若希及戴祖仪，惨遭二人排斥，连吃饭都被孤立，疑在不堪压力下泪崩当场的传闻，游嘉欣在接受访问时就否认不和。
打开网易新闻 查看精彩图片
而吴若希亦就不和传闻接受访问时表示：「节目效果一定系虾佢，因为佢嘅角色系无知嘅小妹妹，系需要俾人虾嘅，但真实嘅情况我哋系唔够胆虾佢嘅。因为点解呢？就系我哋最大嘅监制突然现身，指住呢人就问『吴若希、戴祖仪系咪虾佢』，个监制突然讲呢啲，我哋实唔敢虾啦。个监制走落嚟睇㖞，睇我哋有冇虾佢，咁绝对冇虾佢。（监制问得应该系有事先咁问？）我觉得个监制比较苦闷，可能做得多《中年好声音》，咁而家想嚟收吓啲女仔嘅气息。」
打开网易新闻 查看精彩图片
对于被指联同戴祖仪孤立游嘉欣的传闻，吴若希就表示：「其实通常系佢孤立我哋，唔同我哋食饭。（原来真相系咁！）哈哈，系呀，不过大部份时间我哋都系一齐。」
打开网易新闻 查看精彩图片
游嘉欣表示：「其实我哋三个拍摄都开心嘅，当然一开始就要适应节奏，我自己系一个比较慢嘅人，转数唔系特别快，佢哋两位就系超级快。（系咪频频NG？）咁真系冇嘅，因为我哋系爆肚嘅，当然入面我就觉得自己做得衰，觉得自己转数咁慢，所以就畀咗压力自己。」
打开网易新闻 查看精彩图片
提到吴若希指监制现身指住人问「吴若希、戴祖仪系咪虾佢』一事，游嘉欣就表示：「我谂佢落嚟系睇我哋拍摄进度去到边，睇我哋有咩可以改进。（点解会传不和？）可能当刻压力有啲大，然后我觉得做完嗰个嘢之后，觉得伤心难过，同佢哋讲讲吓嘢不禁咁流咗一两滴眼泪，纯粹系自己表现差，同佢哋讲之后就释放咗出嚟。（传佢哋两个孤立你？）咁当然放咗工就自由活动啦，我想按摩，而佢哋想整甲，就系咁我就冇参与。」
