打开网易新闻 查看精彩图片

香港文匯報訊（記者 阿祖）41歲「晶女郎」文凱玲與拍拖五年的圈外男友Jason於今年三月結婚，並且是雙喜臨門已懷有BB，預產期更在七月底，她更大曬與老公一同拍攝的幸福孕照。

打开网易新闻 查看精彩图片

文凱玲說：「知道有咗嘅時候覺得好幸運，畢竟喺醫生眼中已經係超高齡產婦，產檢嘅時候唔同嘅醫生同護士知道係自然懷孕都話好難得。」而她懷孕至今，也沒特別戒口，亦沒什麼禁忌：「已經懷胎八個月一直好忙，開頭為工作，之後籌備婚禮然後忙住搬屋。忙起上來好多時會唔記得自己大住個肚，成日俾身邊嘅人叫我唔好行得咁快！」她又指BB在肚裏面好活躍，經常都覺得BB好似游緊水，之前是自由式，最近變了蝶式，即使隔住個肚都見到BB在郁動：「每次BB郁，我都會同佢傾吓偈，老公亦都好鍾意摸住個肚，BB一郁佢就會笑得好開心。」她透露預產期在七月底，會待BB出世後才改名。